This is a hostel for working women located in the prime location of Davanagere. The hostel offers round-the-clock security and modern amenities in the rooms.

ಉದ್ಯೋಗಸ್ಥ ಮಹಿಳೆಯರ ವಸತಿ ನಿಲಯವು ಇದಾಗಿದ್ದು, ಇದನ್ನು ಕೇಂದ್ರದ ಅನುದಾನದೊಂದಿಗೆ ಕಟ್ಟಲಾಗಿದೆ. ಒಳ್ಳೆಯ ಆಧುನಿಕ ಸೌಲಭ್ಯಗಳುಳ್ಳ, ಸುಸಜ್ಜಿತ ಕೊಠಡಿಗಳನ್ನೊಳಗೊಂಡು, ಬಿಸಿ ನೀರಿನ ವ್ಯವಸ್ಥೆ ಒಳ್ಳೆಯ ಸುರಕ್ಷತೆ ಇರುವ ನಗರದ ಮಧ್ಯಭಾಗದಲ್ಲಿರುವ ಈ ಕಟ್ಟಡ ಹೆಮ್ಮೆಪಡುವಂತಹುದು.

(HIRIYA VANITEYARA ANANDA DHAMA) – THIS IS A 15 YEAR OLD WING OF VANITA SAMAJ. THIS IS WHOLLY FOR SENIOR WOMEN CITIZENS WHO ARE PRIVELEGED AND UNPREVELEGED. THIS HAS AMENITIES LIKE ON CALL DOCTORS, WARDENS, SECURITY, MEDITATION HALL, DINING HALL.

“ಹಿರಿಯ ವನಿತೆಯರ ಆನಂದ ಧಾಮ” ವನಿತಾ ಸಮಾಜವು ಸುಮಾರು 15 ವರುಷಗಳಿಂದ ನಡೆಸುತ್ತಿರುವ ಬಹಳ ದೊಡ್ಡ ಹಾಗೂ ಅರ್ಥಪೂರ್ಣ ಸಂಸ್ಥೆ –“ಆಶ್ರಯ”. ಇಂದು ನೆನ್ನೆಗಳ ಬವಣಿಗಳ ಭಾರದಲ್ಲಿ ಬಸವಳಿದ ಸ್ತ್ರೀಯ ಬಾಳಿನ ಸಂಜೆಯಲಿ ಅಭದ್ರತೆ, ಅನಾರೋಗ್ಯ, ವೃದ್ದಾಪ್ಯಗಳು ಶಾಪವಾಗದಿರಲೆಂಬ ಉದ್ದೇಶದಿಂದ ಬಾಳಿನ ಸಂಜೆಯಲ್ಲಿರುವ ಸ್ತ್ರೀಯರಿಗಾಗಿ ‘ಆಶ್ರಯ’ - ಹಿರಿಯವನಿತೆಯರ ಆನಂದ ಧಾಮವನ್ನು ಸ್ಥಾಪಿಸಲಾಯಿತು. ಮನಸ್ಸಿಗೆ ಮುದ ನೀಡಲು ಪ್ರಾರ್ಥನೆ, ಪ್ರವಚನಗಳು, ಭಜನೆ, ಜ್ಞಾನಾರ್ಜನೆಗೆ ಪುಸ್ತಕಗಳು, ಆಟಗಳು, ಆರೋಗ್ಯಕ್ಕೆ ಶುದ್ಧ ನೀರು, ಪೌಷ್ಟಿಕಾಂಶದ ಆಹಾರ ತಜ್ಞ ವೈದ್ಯರಿಂದ ತಪಾಸಣೆ, ಬಿಸಿ ನೀರಿನ ವ್ಯವಸ್ಥೆ, ಶಿಸ್ತು ಪರಿಪಾಲನೆ, ಶುಚಿತ್ವ, ನೆಮ್ಮದಿಯಿಂದ ಇರಲು ಪ್ರೀತಿಯ ಆರೈಕೆ - ಇನ್ನೇನು ಬೇಕು? ಕೊಡುಗೈ ದಾನಿಗಳ ಸಹಾಯದಿಂದ ಎದ್ದು ನಿಂತಿರುವ ಈ ‘ಆಶ್ರಯ’ ವನಿತಾ ಸಮಾಜದ ‘ಹೆಮ್ಮೆಯ ಸೌದ’ ಎಂದು ಹೇಳಬೇಕು.

THIS IS A HOSTEL FOR COLLEGE GOING GIRLS WITH GOOD ROOMS AND OTHER AMENITIES.

‘ಶಿಲ್ಪಾಲಯ’ - ಇದು ಆಶ್ರಯದ ಮೇಲಿನ ಮಹಡಿಯಲ್ಲಿ ನಡೆಯುತ್ತಿರುವ ಕಾಲೇಜು ವಿದ್ಯಾರ್ಥಿನಿಯರ ಸುಸಜ್ಜಿತ ಕೊಠಡಿಗಳ ವಸತಿ ನಿಲಯ.

THIS IS CURRENTLY DISCONTINUED. HOWEVER DURING ITS HAY DAYS, OLDER WOMEN WITH INTEREST TO STUDY WERE GIVEN FURTHER COACHING TO COMPLETE THEIR SSLC.

ಬಿ.ಜಿ.ಎಂ.ಎಸ್ : ‘ಭಾರತೀಯ ಗ್ರಾಮೀಣ ಮಹಿಳಾ ಸಂಘ’ -ಇದರಡಿ ಗ್ರಾಮೀಣ ಮಹಿಳೆಯರಿಗೆ ವಯೋಮಿತಿ ಮೀರಿದ, ಓದಿನಲ್ಲಿ ಆಸಕ್ತಿ ಇರುವ ಮಹಿಳೆಯರು 7ನೇ ತರಗತಿ ಪಾಸು ಮಾಡಿ ಒಂದೇ ಸಲ ಎಸ್ ಎಸ್ ಎಲ್ ಸಿ ಗೆ ಕಟ್ಟುವಂತೆ ಅವಕಾಶ ಮಾಡಿಕೊಡುವುದಲ್ಲದೆ ನಂತರ ಹೊಲಿಗೆ ತರಬೇತಿ ನೀಡುವ ಯೋಜನೆ ಇತ್ತು. ಈಗ ಈ ಕೋರ್ಸ್ಗಳು ನಡೆಯುತ್ತಿಲ್ಲವಾದರೂ ಈ ಸಂಸ್ಥೆಯು ವನಿತಾ ಸಮಾಜದಲ್ಲಿ ಹೊಸ ವರ್ಷದ ಆಚರಣೆ ಹಾಗೂ ಸಂತೋಷಕೂಟ ಏರ್ಪಡಿಸುವ ಪರಿಪಾಠ ಇಟ್ಟುಕೊಂಡಿದೆ.

ART AND LITERATURE IS A PART OF OUR DAILY LIVES. SINCE WOMEN ARE BLESSED IN THESE TWO, WE ENCOURAGE THEM TO EXHIBIT THEIR TALENTS HERE. AMETUER WRITERS ARE GIVEN THE OPPURTUNITY TO RELEASE THEIR BOOKS OR WORK HERE.

ವನಿತಾ ಸಾಹಿತ್ಯ ವೇದಿಕೆ - ಸಾಹಿತ್ಯ ಮತ್ತು ಕಲೆ ಜೀವನದ ಅವಿಭಾಜ್ಯ ಅಂಗಗಳು. ಇವು ವಿಶೇಷವಾಗಿ ಸ್ತ್ರೀಯರಲ್ಲಿ ಸುಪ್ತವಾಗಿದ್ದು, ಅವಕಾಶಗಳು ಸಿಗದೇ ಮುರುಚಿ ಹೋಗಿರುವುದು ಉಂಟು. ಮಹಿಳೆಯರ ಸಾಹಿತ್ಯ ಮತ್ತು ಪ್ರತಿಭೆ ಹೊರತರಲು ವನಿತಾ ಸಾಹಿತ್ಯ ವೇದಿಕೆ ಹುಟ್ಟಿಕೊಂಡಿತು. ಬೇಕಾದಷ್ಟು ಹೆಸರಾಂತ ಸಾಹಿತಿಗಳು ಈ ವೇದಿಕೆಯಲ್ಲಿ ಬಂದು ಹೋಗಿದ್ದಾರೆ ಕವಿಗೋಷ್ಠಿಗಳನ್ನು ನಡೆಸಿದ್ದಾರೆ ಪ್ರತಿ ವರ್ಷ ರಾಜ್ಯೋತ್ಸವ ಆಚರಣೆ ಈ ಸಂಸ್ಥೆಯ ಜವಾಬ್ದಾರಿ ಅಂದು ಒಬ್ಬ ಲೇಖಕಿಗೆ ‘ವನಿತಾ ಸಾಹಿತ್ಯ ಶ್ರೀ’ -ಪ್ರಶಸ್ತಿ ನೀಡಿ ಗೌರವಿಸುತ್ತಾರೆ. ಉದಯೋನ್ಮುಖ ಸಾಹಿತಿಗಳಿಗೆ ಕೃತಿ ಬಿಡುಗಡೆ ಮಾಡಲು ಅನುವು ಮಾಡಿಕೊಡುತ್ತಾರೆ.

WOMEN WHO ARE DEPRIVED OF BASIC EDUCATION ARE TRAINED HERE THROUGH CONDENSED COURSES, TYPEWRITING AND SHORT HAND COURSES.

ಅಖಿಲ ಸಮಾಜಗಳ ಒಕ್ಕೂಟ: ಸಮಾಜದ ಮಧ್ಯಮ ಹಾಗೂ ಹಿಂದುಳಿದ ವರ್ಗದ ಮಹಿಳೆಯರಿಗೆ ಸೂಕ್ತ ವಿದ್ಯಾಭ್ಯಾಸ ದೊರಕದೆ ಸುಧಾರಣೆಯಿಂದ ಹಿಂದುಳಿದು ವಂಚನೆಗೆ ಗುರಿಯಾಗಿದೆ ಅವರಿಗೆ ಕನಿಷ್ಠ ವಿದ್ಯಾಭ್ಯಾಸವಾದರೂ ದೊರೆತರೆ ಮನೆ, ಮಕ್ಕಳು, ಸುತ್ತಲಿನ ಸಮಾಜ ಎಲ್ಲಾ ಸುಧಾರಣೆಗೊಳ್ಳುತ್ತದೆ. ಎಂದು ಮಹಿಳೆಯರಿಗೆ ಕಂಡೆನ್ಸ್ಡ್ ಕೋರ್ಸಸ್, ಟೈಪ್ ರೈಟಿಂಗ್, ಶಾರ್ಟ್ ಹ್ಯಾಂಡ್ ಕೋರ್ಸಸ್ ಈ ಸಂಸ್ಥೆ ಅಡಿಯಲ್ಲಿ ನಡೆಸಲಾಗುತ್ತಿತ್ತು. ಸೋಶಿಯಲ್ ವೆಲ್ಫೇರ್ ಬೋರ್ಡ್ ನಿಂದ ಅನುದಾನ ಬರುತ್ತಿತ್ತು.

THIS WAS STARTED TO GET JUSTICE TO WOMEN WHO ARE SOCIALLY, MENTALLY AND ECONOMICALLY DEPROVED OF THEIR BASIC RIGHTS.

ಸಮತಾ : ಮಹಿಳೆಯರ ಸಾಕ್ಷರತೆ, ಸಮಾನತೆ ಮತ್ತು ಹಕ್ಕುಗಳಿಗಾಗಿ ಮಹಿಳೆಯರನ್ನು ಸಂಘಟಿಸಿ, ಸಮಸ್ಯೆಗಳಿಗೆ ಪರಿಹಾರ ಒದಗಿಸುವ ಉದ್ದೇಶದಿಂದ ಹುಟ್ಟಿದುದು ಸಮತಾ. ಪ್ರತಿ ವರ್ಷ ಸ್ನೇಹಿತರ ದಿನಾಚರಣೆಯನ್ನು ಆಚರಿಸುವ ಪರಿಪಾಠ ಇಟ್ಟುಕೊಂಡಿದ್ದಾರೆ.

IS A FORUM OR A PLACE FOR CREATIVE AND TALENTED PLAY-WRITERS. MANY STAGE PERFORMANCES ARE GIVEN EVERY YEAR. AND ALSO MANY FAMOUS WRITERS HAVE COME TO THIS STAGE.

ಭೂಮಿಕಾ : ವನಿತಾರಂಗ ವೇದಿಕೆ : ವನಿತಾ ಸಮಾಜದ ಆಶ್ರಯದಲ್ಲಿ ರಂಗ ಆಸಕ್ತರಿಗಂದೆ (ಮಹಿಳೆಯರು) ಒಂದು ಪ್ರತ್ಯೇಕ ವೇದಿಕೆಯನ್ನು ಇದು ಕಲ್ಪಿಸಿಕೊಟ್ಟಿದೆ. ಅವರಲ್ಲಿಯ ಸೃಜನಶೀಲತೆ, ಕ್ರಿಯಾಶೀಲತೆಗೆ, ನಟನೆಗೆ ಒಂದು ಆಯಾಮ ನೀಡಿದಂತಾಗಬಹುದೆಂಬ ಉದ್ದೇಶದಿಂದ ಅಸ್ತಿತ್ವಕ್ಕೆ ಬಂದಿತು- ‘ಭೂಮಿಕಾ’. ಮಹಿಳಾ ಸದಸ್ಯರಲ್ಲಿರುವ ಅಸಾಧಾರಣ ರಂಗ ಪ್ರತಿಭೆ ಈ ಮೂಲಕ ಹೊರಬರುವಂತಾಯಿತು. ಇದರಲ್ಲಿ ಹೆಸರಾಂತ ನಾಟಕ ನಿರ್ದೇಶಕರುಗಳು ಬಂದು ರಂಗ ತರಬೇತಿ, ನಾಟಕ ಪ್ರದರ್ಶನ ಎಲ್ಲಾ ಮಾಡಿದ್ದಾರೆ.

THIS IS A STAGE BUILT TO CONDUCT VARIOUS ACTIVITIES OF VANITA SAMAJ. THIS IS IN THE VANITA SAMAJ PREMISES.

ಶ್ರೀ ಸತ್ಯಸಾಯಿ ಆಧ್ಯಾತ್ಮ ಕೇಂದ್ರ : ಭಗವಾನ್ ಶ್ರೀ ಸತ್ಯ ಸಾಯಿ ಬಾಬಾ ರವರ ಕೃಪಾಶೀರ್ವಾದದಿಂದ ನೀಡಿದ ಈ ನೆಲದಲ್ಲಿ ನಮ್ಮ ಸದಸ್ಯರಿಗೆ ಸನಾತನ ಸಂಸ್ಕೃತಿ, ಹಬ್ಬಗಳ ಆಚರಣೆ, ಅವುಗಳ ವೈಶಿಷ್ಟತೆ, ಭಜನೆ, ಆಧ್ಯಾತ್ಮ ವಿಚಾರದಲ್ಲಿ ಚಿಂತನೆ, ಇವುಗಳ ಅರಿವು ಸದಾ ಜಾಗೃತವಾಗಿರಲಿ ಎಂಬ ಉದ್ದೇಶದಿಂದ ಸ್ಥಾಪಿತವಾದ ಸಂಸ್ಥೆ.

YOUTH IS THE BACKBONE OF THE COUNTRY. UNDER THE GUIDANCE AND MOTIVATION, YOUNG WOMEN ARE TRAINED TO BECOME SUCCESSFUL IN VARIOUS FILEDS.

ಯುವ ವನಿತಾ: “ಯುವಶಕ್ತಿಯೇ ದೇಶದ ಬೆನ್ನೆಲುಬು” ಹೊಸ ಚಿಗುರು ಹಳೇ ಬೇರು ಕೂಡಿರಲು ಮರ ಸೊಬಗು - ಎಂಬ ಕವಿವಾಣಿಯಂತೆ ಹಿರಿಯರ ಮಾರ್ಗದರ್ಶನದಲ್ಲಿ ಉತ್ಸಾಹಿ ಯುವ ಮಹಿಳೆಯರನ್ನು ಈಗಿನಿಂದಲೇ ಮುಂದಿನ ಜವಾಬ್ದಾರಿಗಳಿಗೆ ತಯಾರು ಮಾಡುವ ಉದ್ದೇಶದಿಂದ ಹುಟ್ಟು ಹಾಕಿದ ಸಂಸ್ಥೆ. ಯುವತಿಯರು ಅವರ ಆಸಕ್ತಿಗಣುಗುಣವಾಗಿ ಕಾರ್ಯಕ್ರಮಗಳನ್ನು ರೂಪಿಸಿಕೊಂಡು ಬರುತ್ತಿದ್ದಾರೆ.

THIS WAS STARTED PARTICULARLY FOR WOMEN AGED 60 YEARS AND ABOVE. PRAGNYA AIMS TO SUPPORT THE MENTAL, SOCIAL PHYSICAL AND SPIRITUAL WELL BEING OF THESE WOMEN FROM TIME TO TIME.

ಪ್ರಜ್ಞಾ: ‘ಹಿರಿಯ ವನಿತೆಯರ ಸಂಘ’- ಆಬಾಲವೃದೆಯರಿಗಾಗಿ ಎಲ್ಲಾ ತರದ ಮಹಿಳೆಯರಿಗೆ ಅನುಕೂಲವಾಗುವಂತೆ ಸಂಸ್ಥೆಗಳು ಹುಟ್ಟಿದಂತೆ ಉದಯವಾದದ್ದು “ಪ್ರಜ್ಞಾ ಕೂಡ”. ಇದರ ವಿಶೇಷತೆ ಏನೆಂದರೆ ಅರವತ್ತು ವಸಂತಗಳನ್ನು ದಾಟಿದ ಹಿರಿಯ ವನತೆಯರಿಗಾಗಿಯೇ ಪ್ರಾರಂಭಿಸಿದದು ಈ ಸಂಸ್ಥೆ. ಮಾನಸಿಕವಾಗಿ, ಭೌತಿಕವಾಗಿ, ದೈಹಿಕವಾಗಿ, ಆಧ್ಯಾತ್ಮಿಕವಾಗಿ, ಕಾಲಕಾಲಕ್ಕೆ ತಕ್ಕಂತೆ ಬೇಕಾಗುವ ಬುದ್ಧಿಮಟ್ಟ, ಧೈರ್ಯ, ಔದರ್ಯ, ಮನಸ್ಸು ಎಲ್ಲಾ ಗುಣಗಳು ಬೆಳೆಯುವಂತೆ ತನ್ನ ಕಾರ್ಯಕ್ರಮಗಳನ್ನು ಆಯೋಜಿಸುತ್ತದೆ.

The destruction of the environment is now a well-known phenomenon. This disturbs the balance of nature. Therefore, the damage to life forms cannot be described. Viha tries to create awareness about this TO save and develop the environment.

ವಿಹ: ಪರಿಸರ ವೇದಿಕೆ: ಪರಿಸರ ನಾಶ ಈಗ ಸರ್ವ ವಿಧಿತ ವಿಷಯ. ಇದರಿಂದ ಪ್ರಕೃತಿಯ ಸಮತೋಲನ ಏರುಪೇರು ಆಗುವುದು ಖಂಡಿತ. ಇದರಿಂದ ಜೀವ ರಾಶಿಗಳ ಮೇಲೆ ಹಾನಿ ವರ್ಣಿಸಲು ಸಾಧ್ಯವಿಲ್ಲ. ಇದರ ಬಗ್ಗೆ ತಿಳುವಳಿಕೆ ನೀಡಿ, ಜಾಗೃತಿ ಮೂಡಿಸಿ ಪರಿಸರ ಉಳಿಸಿ ಬೆಳೆಸಲು ‘ವಿ ಹ’ ಪ್ರಯತ್ನಿಸುತ್ತಿದೆ.

The hostel is for the elderly women. HERE they are provided with well-equipped rooms for them to LIVE freely without any kind of fear.

ವಾತ್ಸಲ್ಯ: ಇದು ಹಿರಿಯ ವನಿತೆಯರಿಗಾಗಿ ಇರುವ ಇನ್ನೊಂದು ವಸತಿ ನಿಲಯ. ಇಲ್ಲಿ ಅವರಿಗೆ ಯಾವುದೇ ರೀತಿಯ ಭಯವಿಲ್ಲದೆ ಸ್ವತಂತ್ರರಾಗಿರಲು ಸುಸಜ್ಜಿತ ಕೊಠಡಿಗಳನ್ನು ಕಲ್ಪಿಸಲಾಗಿದೆ.

It is a platform created for local icons who are interested in music and dance. Apart from identifying and giving opportunities to local talent, it is also credited with conducting several vocal training camps and programmes.

ಶೃತಿ ಸಂಗೀತ ಮತ್ತು ನೃತ್ಯ ವೇದಿಕೆ: ಸಂಗೀತ ಮತ್ತು ನೃತ್ಯದಲ್ಲಿ ಆಸಕ್ತಿ ಇರುವ ಸ್ಥಳೀಯ ಪ್ರತಿಭೆಗಳಿಗಾಗಿ ಸೃಷ್ಟಿಸಿರುವ ವೇದಿಕೆ ಇದು. ಸ್ಥಳೀಯ ಪ್ರತಿಭೆಗಳನ್ನು ಗುರುತಿಸಿ ಅವಕಾಶ ಮಾಡಿಕೊಡುವುದಲ್ಲದೆ, ಹಲವಾರು ಗಾಯನ ತರಬೇತಿ ಶಿಬಿರಗಳು, ಕಾರ್ಯಕ್ರಮಗಳನ್ನು ನಡೆಸಿದ ಕೀರ್ತಿ ಇದಕ್ಕೆ ಇದೆ.

All the women doctors in Davanagere have been offering many useful programmes that are different from their mechanical life. Awareness about health, awareness about cleanliness, lectures on organ donation, etc. have been greatly appreciated.

ವನಿತಾ ವೈದ್ಯಯರ ವೇದಿಕೆ: ದಾವಣಗೆರೆಯಲ್ಲಿನ ಎಲ್ಲಾ ಮಹಿಳಾ ವೈದ್ಯರು ಒಂದುಗೂಡಿ ತಮ್ಮ ಯಾಂತ್ರಿಕ ಬದುಕಿಂದ ಬೇರೆಯಾದ ಅನೇಕ ಉಪಯುಕ್ತ ಕಾರ್ಯಕ್ರಮಗಳನ್ನು ನೀಡುತ್ತಾ ಬಂದಿದ್ದಾರೆ. ಆರೋಗ್ಯದ ಬಗ್ಗೆ ತಿಳುವಳಿಕೆ, ಶುಚಿತ್ವದ ಬಗ್ಗೆ ಅರಿವು, ಅಂಗಾಂಗಗಳ ದಾನದ ಬಗ್ಗೆ ಅರಿವು, ನೀಡುವ ಉಪನ್ಯಾಸಗಳು ಇತ್ಯಾದಿ ಬಹಳ ಮೆಚ್ಚುಗೆ ಗಳಿಸಿವೆ.

Vanita Samaj has more than 350 members. Not everyone can attend all events. Therefore, a news release called Vanita Varta is being brought out every 3 months to give an overview of all the programs.

ವನಿತಾ ವಾರ್ತಾ: ವನಿತಾ ಸಮಾಜದಲ್ಲಿ 350 ಕ್ಕೂ ಮೀರಿ ಸದಸ್ಯರಿದ್ದಾರೆ. ಎಲ್ಲರಿಗೂ ಎಲ್ಲಾ ಕಾರ್ಯಕ್ರಮಗಳಿಗೂ ಬರಲು ಸಾಧ್ಯವಿಲ್ಲ. ಆದುದರಿಂದ ಬರದಿದ್ದರೂ ಕಾರ್ಯಕ್ರಮಗಳ ಕುರಿತು ಮಾಹಿತಿ ನೀಡಲು ಮೂರು ತಿಂಗಳಿಗೊಮ್ಮೆ ವನಿತಾ ವಾರ್ತಾ ಎಂಬ ಸುದ್ದಿ ಸಂಚಿಕೆ ಹೊರತರುತ್ತದೆ.

Retired women teachers come together to discuss their problems. This platform has helped to shape programs in the education sector with their experience.

ಜ್ಞಾನಜ್ಯೋತಿ ವನಿತಾ ಶಿಕ್ಷಕಿಯರ ವೇದಿಕೆ: ನಿವೃತ್ತ ಮಹಿಳಾ ಶಿಕ್ಷಕಿಯರು ಒಂದೆಡೆ ಸೇರಿ ಅವರ ಸಮಸ್ಯೆಗಳನ್ನು ಚರ್ಚಿಸಲು ಮತ್ತು ಅವರ ಅನುಭವದಿಂದ ಶಿಕ್ಷಣ ಕ್ಷೇತ್ರಕ್ಕೆ ನೆರವಾಗುವಂತೆ ಕಾರ್ಯಕ್ರಮಗಳನ್ನು ರೂಪಿಸಲು ಈ ವೇದಿಕೆ ನೆರವಾಗಿದೆ.

There was a need for a well-equipped theater as there were so many programs conducted by various wings in the Vanita Samaj. Hence, Rangamandira was constructed.

ಶ್ರೀ ಸತ್ಯಸಾಯಿ ರಂಗ ಮಂದಿರ ವನಿತಾ ಸಮಾಜದಲ್ಲಿ ಇಷ್ಟು ಅಂಗಸಂಸ್ಥೆಗಳು ಇದ್ದು, ಎಡಬಿಡದೆ ಏನಾದರೂ ಚಟುವಟಿಕೆ ಯಾವಾಗಲೂ ಇರುತ್ತಿದ್ದಿದರಿಂದ, ಒಂದು ಸುಸಜ್ಜಿತ ರಂಗಮಂದಿರ ಅವಶ್ಯಕತೆ ಇತ್ತು. ಇದನ್ನು ಮನಗಂಡು ಎಲ್ಲಾ ಅನುಕೂಲವಿರುವ ರಂಗ ಮಂದಿರ ವನಿತಾ ಸಮಾಜದ ಆವರಣದಲ್ಲೇ ನಿರ್ಮಾಣವಾಯಿತು. ಇದರಿಂದಾಗಿ ಅತಿ ಕಡಿಮೆ ಅವಧಿಯ ಸೂಚನೆಯಲ್ಲಿಯೂ ಸಹ ಕಾರ್ಯಕ್ರಮ ಉತ್ತಮವಾಗಿ ಮಾಡಲು ಸಹಾಯವಾಗಿದೆ.

THIS IS AN AWARD GIVEN TO A WOMAN FOR HER OUTSTANDING CONTRIBUTION TOWARDS THE SOCIETY. FELICITATION OF SUCH A LADY IS DONE ON INTERNATIONAL WOMEN’S DAY EVERY YEAR.

THIS DAY IS BASICALLY CELEBRATED ON THE AUSPICIOUS DAY OF SRI GANDHI JAYANTI AND SRI LAL BAHADUR SHASTRY’S BIRTHDAY. THE PROGRAM STARTS WITH “SARVA DHARMA PRARTHANA”.

ವನಿತಾ ಸಮಾಜವು ಪ್ರತಿ ವರ್ಷ ‘ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯನ್ನು’ ಹಬ್ಬದಂತೆ ಆಚರಿಸುತ್ತದೆ. ನಾಲ್ಕು ದಿನ ವಿವಿಧ ರೀತಿಯ ಸ್ಪರ್ಧೆಗಳನ್ನು ನಗರದ ವಿವಿಧ ಮಹಿಳಾ ಸಂಘಗಳಿಗೆ ಏರ್ಪಡಿಸುತ್ತಾರೆ. ಬಹಳ ಒಳ್ಳೆಯ ಪ್ರತಿಕ್ರಿಯೆ ಇರುವುದಲ್ಲದೆ ಸಮಾಜದ ಪ್ರತಿಷ್ಠೆ ದಿನ ದಿನಕ್ಕೆ ಹೆಚ್ಚುತ್ತಿದೆ. ಸಮಾಜಕ್ಕೆ ಸೇವಾ ಸಲ್ಲಿಸುತ್ತಿರುವವರಲ್ಲಿ ಒಬ್ಬರನ್ನು ಗುರುತಿಸಿ “ವನಿತಾ ಸೇವಾ ಪ್ರಶಸ್ತಿ” ನೀಡಿ ಗೌರವಿಸುತ್ತಾರೆ. ಇದಲ್ಲದೆ ‘ಗಾಂಧಿ ಜಯಂತಿಯನ್ನು’ ಬಹಳ ಅರ್ಥಪೂರ್ಣವಾಗಿ ಆಚರಿಸುವ ಪರಿಪಾಠವನ್ನು ಇಟ್ಟುಕೊಂಡಿದೆ. ಅಂದು “ಸೇವಾ ದಿನ” ಎಂದು ಪರಿಗಣಿಸಿ ಬಹಳ ಸೇವಾ ಕಾರ್ಯಕ್ರಮಗಳನ್ನು ಮಾಡಲಾಗುತ್ತದೆ.